Şagirdlərin fədakarlığı
21 iyun 2017-ci il tarixində məktəbin ərazisində yerləşən mini futbol meydançasının yaxınlığında qurumuş otlar olan sahəsində yanğın hadisəsi baş vermişdir. Hadisədən xəbər tutan məktəb rəhbərliyi 101 yanğınsöndürmə xidmətinə zəng vurmuşdur. Yanğınsöndürmə briqadası hadisə yerinə gələnə qədər məktəbin müəllim və bir neçə şagirdi yanğının söndürülməsinə səy göstərmişlər. Onlar əllərində olan su butulkası və məktəbdə olan su vedrələri, hətta əlləri ilə yerdən götürdükləri torpaqla yanğını söndürməyə çalışmışlar. Ərazidən keçən qaz borusunun ətrafında baş vermiş yanğın daha təhlükəli idi. Bu səbəbdən şagirdlər təhlükə sahəsindən uzaqlaşdırıldı. Böyük çətinliklərlə yanğın tamamı ilə söndürüldü. Yanğın tamamı ilə söndürüldükdən sonra şagirdlər məktəbə çağrıldı və məktəb rəhbərliyi tərəfindən təşəkkür elan olundu. Yanğınsöndürmə hadisəsində iştirak edən şagirdlər yeni tədris ilində fəxri fərmanlarla və hədiyyələrlə təltif olunacaq. PS: Təhlükəli sahələrdə uşaqların yanğınsöndürmədə iştirakını məhdudlaşdırmaq lazımdır.
