Şagirdlərin Heydər Əliyev Mərkəzinə ekskursiyası təşkil edildi
Ümummilli Lider Heydər Əliyevin anadan olmasının 94-cü ildönümü ilə əlaqədar 06.05.2017-ci il tarixində Xətai rayonu Z.Məmmədov adına 171 nömrəli tam orta məktəbin 2b sinif şagirdləri sinif rəhbəri Əntiqə Sultanovanın təşkilatçılığı ilə Heydər Əliyev Mərkəzinə ekskursiya təşkil etdilər. Şagirdlər ulu öndər haqqında maraqlı məlumatlarla tanış oldular. Mərkəzin giriş hissəsində şagirdlərimizin söylədikləri şeirlər xarici turistlərin diqqətini cəlb etdi. Onlar şagirdlərə diqqətlə qulaq asdılar, sonra isə məktəblilərlə xatirə şəkli çəkdirdilər. Ekskursiya çox maraqlı və yadda qalan oldu.
