Azərbaycanlıların Soyqırımı Gününə həsr olunmuş sənədli filmə baxış keçirildi
Məktəbimizdə 31 mart Azərbaycanlıların Soyqırımı Gününün 99-cu ildönümünə həsr olunmuş tədbir keçirildi.Soyqırım qurbanlarının ruhu bir dəqiqəlik sükutla yad edildi.Tədbiri keçirtməkdə məqsəd şagirdlərdə vətənpərvərlik hissini aşılamaq, tariximizi yaddan çıxartmamaq,baş vermiş hadisələri yaddaşlara həkk etmək olmuşdur. Tədbirdə Mehriban Ələkbərzadənin araşdırmaları əsasında “31 Mart Azərbaycanlıların soyqırımı"na həsr edilmiş "Tarixin yaddaşı " adlı sənədli filmə baxış keçirildi. Filmə baxışda məktəbimizin IX,X, XI sinif şagirdləri və müəllimlər iştirak etdilər. Məktəbin direktoru Zemfira Məsiyeva tədbirdə çıxış etdi. Tədbir iştirakçıların " Ya Qarabağ,ya ölüm! " çağırış şüarı ilə bitdi.
