Şagirdlərin Gənc Tamaşaçılar Teatrının tamaşalarında iştirakı nəzərdə tutulub
Azərbaycan Dövlət Gənc Tamaşaçılar Teatrının əməkdaşı 29.03.2017-ci il tarixində Z.Məmmədov adına 171 nömrəli tam orta məktəbdə olmuşdur. Azərbaycan Respublikası Təhsil Nazirliyinin Bakı Şəhəri üzrə Təhsil İdarəsinə ünvanladığı 26.01.2017-ci il tarixli №48-11-562/16 razılıq məktubuna əsasən şagirdlərin könüllülük prinsipi ilə Azərbaycan Dövlət Gənc Tamaşaçılar Teatrının tamaşalarında iştirak etməsi üçün şagirdlərlə söhbət aparılmış, aprel ayında Azərbaycan və rus dillərində göstəriləcək tamaşaların repertuarı barədə məlumat verilmişdir. Aparılmış təbliğat işi şagirdlərin və valideynlərin razılığına səbəb olmuşdur.
