Fiziki tərbiyə müəllimi fəxri diploma layiq görülmüşdür
26 fevral 2017-ci il tarixində Bakı Biznes Universitetinin zalında 26 fevral Xocalı soyqrımına həsr olunmuş Vin Çun- Kunqfu üzrə Bakı Kuboku keçirilib. Bakı Biznes Universiteti və Azərbaycan Vin Çun Mərkəzinin birgə təşəbbüsü ilə təşkil olunan turnirdə paytaxtın müxtəlif idman klublarından 160-dan çox idmançı iştirak edib. Yarışda, ümumilikdə 21 dəst medal öz sahibini tapıb. Kunqfu- sanda üzrə döyüşlər 21 kq çəki dərəcəsində 6-18 yaş kateqoriyasında keçirilib. Vin Çun taolu üzrə yarışlar 18-36 və 36+ yaş kateqoriyasında aparılıb. Qaliblərə medal və fəxri diplomlar təqdim olunub. Zaur Məmmədov adına 171 saylı tam orta məktəbin fiziki tərbiyə müəllimi Sahib Abbasov münsiflər heyətinin üzvi kimi həmin yarışda iştirak etmiş və fəxri diploma layiq görülmüşdür.
