Xətai rayonu üzrə güllə atıcılığı yarışı keçirildi
13 - 14 fevral 2017 - ci il tarixlərində, Zaur Məmmədov adına 171 saylı tam orta məktəbin güllə atıcılığı tirində, Xətai rayonu Gənclər İdarəsinin keçirdiyi XXIX spartakiada nəzdində olan, güllə atıcılığı üzrə, rayon məktəbləri arasında yarışlar keçirilmişdir. Yarışlarda 35 məktəb, 3 litsey komandaları iştirak etmişdir. Hər komandada 10 və 11 -ci sinif şagirdləri daxil olmaqla 5oğlan və 3 qız iştirak etmişdir. Komanda üzrə ümumi nəticələri ən yüksək bal - 207 balı Xətai rayonu Zaur Məmmədov adına 171 saylı tam orta məktəbin komandası toplamışdır. 269 saylı tam orta məktəb 148 balla II yerə çıxmış, 249 saylı tam orta məktəb və 221 saylı tam orta məktəbin komandaları 99 balla III yeri bölüşdürmüşlər. Rayon üzrə I yerə çıxmış Zaur Məmmədov adına 171 saylı tam orta məktəbin komandası şəhər birinciliyinə vəsiqə qazanmışdır. Zaur Məmmədov adına 171 saylı tam orta məktəbin komandası fevral ayının 22 - də Bakı şəhəri üzrə keçiriləcək və Xocalı soyqırımın iyrimi beşinci ildönümünə həsr edilmiş "Mahir atıcı" güllə atıcılığı yarışında iştirak edəcəkdir. Məktəbimizin komandasına uğurlar arzu edirik. Uğurları davamlı olsun.
