“ Şirindən şirin dilim “ mövzusunda tədbir keçirilmişdir
15 fevral 2017 –ci il tarixində Səməd Vurğun adına mərkəzləşdirilmiş kitabxanın əməkdaşlarının iştirakı ilə Zaur Məmmədov adına 171 saylı tam orta məktəbdə “ Şirindən şirin dilim “ mövzusunda tədbir keçirilmişdir. Tədbirin keçirilməsində məqsəd hər kəsə öz doğma dilinin varlığını hiss etmək, onunla qurur duymaq , onu qorumaq, inkişaf etdirmək hüququ olduğunu bir daha xatırlatmaq olmuşdur. Tədbiri giriş sözü ilə məktəbin direktor əvəzi Nüşabə Eminova açdı.O, şagirdlərə “Beynəlxalq Ana dili günü”nün yaranma tarixi haqqında ətraflı məlumat verdi. Tədbirin əsas iştirakçıları olan 5-ci sinif şagirdləri ana dilimizin gözəlliyinə, zənginliyinə, şirinliyinə həsr olunmuş şeirlər söyləmişlər. Ana dili haqqında öyrəndikləri məlumatları tədbir iştirakçıları ilə bölüşmüşlər. Tədbirin sonunda məktəbin müəllimləri Mərziyyə Məmmədova, Nərminə Şirinova , kitabxananın əməkdaşı Səadət Mürşüdova şagirdlərə daha geniş məlumat verərək belə tədbirlərin davamlı olmasının vacibliyini vurğulayaraq şagirdlərə dərslərində müvəffəqiyyətlər və uğurlar arzuladılar.
