“Fənlərin dostluğu “ adlı bilik yarışı keçirildi
12.12.2023 tarixdə Zaur Məmmədov adına 171 nömrəli tam orta məktəbdə Ümummilli liderimiz Heydər Əliyevin anadan olmasının 100 illiyinə həsr olunmuş “Fənlərin dostluğu “ adlı bilik yarışı keçirildi. Məktəbin riyaziyyat müəllimləri Cəfərova İradə,Zeynalova Esmira və İbrahimova Mehribanın 6a, 6b və 6c sinif şagirdləri arasında təşkil etdikləri bu yarış 4 mərhələdən ibarət idi. 1-ci mərhələdə riyaziyyat və Azərbaycan dili, 2-ci mərhələdə riyaziyyat və tarix, 3-cü mərhələdə riyaziyyat və coğrafiya, 4-cü mərhələdə isə riyaziyyat və musiqi fənlərinin inteqrasiyasına ail məsələ və misallar şagirdlərə təqdim olundu. Ulu öndərimiz haqqında 6-cı sinif şagirdləri Ləman, Humay və Yağmurun ifasında şeirlər səsləndi. 8-ci sinif şagirdi Ömər İsmayılov tarda “Bayatı Şiraz” muğamını ifa etdi. Yarış 6b sinif şagirdlərinin qələbəsi ilə başa çatdı. Sonda məktəbin direktoru Z.Məsiyeva, təlim-tərbiyə işləri üzrə direktor müavini S.Əhmədova yarış haqqında öz fikirlərini bildirdilər.
