İKT ilə bağlı seminar keçirildi
10 fevral 2017 - ci il tarixində Zaur Məmmədov adına 171 saylı tam orta məktəbin kiçik akt zalında MilliByte MMC şirkətinin direktoru Kərim Tahiroğlu ilə yuxarı sinif şagirdlərin görüşü keçirilmişdir. Görüşün keçirilməsində məqsəd şagirdlərin İKT bilik və bacarıqlarını daha da dərinləşdirmək, müasir dövrdə İKT-nin rolunun nə dərəcədə vacib olduğunu izah etmək olmuşdur. Şagirdlərə mövzu barədə təqdimat nümayiş edildi, müzakirələr aparıldı, fikirlər dinlənildi. Şagirdləri ən çox maraqlandıran suallardan ən başlıcası Azərbaycanda gedən hadisələrin, Azərbaycanın tarixi haqqında məlumatların xarici ölkə şagirdləri ilə necə paylaşmaları olmuşdur. MilliByte MMC şirkətinin direktoru Kərim Tahiroğlu şagirdlərə bu mövzuda öz tövsiyyələrini vermiş, İKT üzrə mütəxəssis olmaq üçün məsləhətlərini vermişdir.
