Şəhid Akif Məhərrəmovun adı 3b sinfinə verildi
04.10.2023-cü il tarixində Zaur Məmmədov adına 171 nömrəli tam orta məktəbin 3b sinfinə rəhbərliyin təşəbbüsü ilə şəhidlərin xatirəsini əziz tutmaq, onları hər zaman ehtiramla yad etmək məqsədilə şəhid Akif Məhərrəmovun adı verildi. Akif Məhərrəmov məktəbimizin məzunu olmuş, birinci Qarabağ müharibəsində qəhrəmancasına şəhid olmuşdur. Təqdimatda təlim tərbiyə işləri üzrə direktor müavini Nüşabə Bilalova, psixoloq Ruxsarə İmaməliyeva iştirak etdilər. Şagirdlər şəhid haqqında məlumatlar verdilər, vətənpərvərlik mövzusunda şeirlər danışıb mahnı oxudular. Sonda sinif rəhbəri L. Qasımova şagirdlərə öz tövsiyələrini verərək bildirdi ki, şəhidlərimizin adını hər zaman uca tutmalı, onların bizə əmanət etdiyi vətəni layiqincə qorumalıyıq.
