Qarşılıqlı dərs dinləmələr davam edir
Məktəbin illik fəaliyyət planına uyğun olaraq məktəbdə dərsdinləmələr davam etdirilir. 28 fevral 2023-cü il tarixində Zaur Məmmədov adına 171 nömrəli tam orta məktəbdə Təlim - tərbiyə işləri üzrə direktor müavini Sima Əhmədovanın və metodbirləşmə rəhbərlərinin iştirakı ilə qarşılıqlı dərsdinləmələr təşkil edildi. Qarşılıqlı dərsdinləmələr əsasən gənc müəllimlərin dərsində təcrübəli müəllimlərin və əksinə, təcrübəli müəllimlərin dərsində gənc müəllimlərin iştirakı ilə baş tutur. Dərsdinləmə zamanı əsasən dərslərdə motivasiyanın yaradılması, şagirdlərin dərsliklərlə işi, sinfin idarə olunması, sinifdə işgüzar dərs mühitinin yaradılması, müasir təlimin qaydalarına əsaslanmış dərsin təşkili,əməkdaşlıq şəraitinin yaradılması, şagirdlərin müstəqil fəaliyyəti, sərbəst fikir söyləmələri kimi meyarlara diqqət yetirilir. Qarşılıqlı dərsdinləmələrin təhlili və nəticələri barədə növbəti metodbirləşmə iclasında müzakirələrin təşkil olunması nəzərdə tutulmuşdur.
