"7-dən 17-yə Vətənpərvərlik" layihəsi ilə bağlı müzakirələr təşkil olundu
28 dekabr 2022-ci il tarixində Bakı şəhəri Xətai rayonu Zaur Məmmədov adına 171 nömrəli tam orta məktəbin oxu zalında 8b və 8c sinif şagirdlərinin iştirakı ilə "7-dən 17-yə Vətənpərvərlik" layihəsi ilə bağlı müzakirələr təşkil olundu. Layihənin icrası kitabxanaçı Nəzirə Quliyeva və psixoloq Günay Aslanova tərəfindən təşkil olundu. Şagirdlər vətən ilə bağlı öz fikirlərini, duyğu və hislərini bölüşdülər.
Şagirdlərə Vətən ilə bağlı bir çox suallar yönləndirildi. Vətən haradan başlayır, Zəfər tariximizdə minnətdar olacağımız şəxslər kimlərdir, biz vətən borcumuzu necə ödəyə bilərik, Ulu Öndər Heydər Əliyevin Azərbaycan xalqına olan əmanəti nə idi, İlham Əliyevin ata vəsiyyəti nə idi kimi sualların cavabı öz əksini tapdı.
