Vətən müharibəsi şəhidinin adı sinifə verildi
8 Noyabr-Zəfər Günü ilə əlaqədar olaraq, 1ç sinfinə, sinfimizdə təhsil alan Raul Qurbanovun dayısı, Azərbaycan Silahlı Qüvvələrinin kapitanı, Vətən müharibəsi şəhidi - Kənan İsrafilovun adı verildi. Bu təşəbbüsünə görə məktəbin direktoru Zemfira Məsiyevaya çox təşəkkür edirik.
Məktəbimizdə bununla bağlı tədbir keçirildi. İlk olaraq şəhid kapitan Kənan İsrafilovun həyatı haqqında videoçarx nümayiş etdirildi. Vətən müharibəsi şəhidi Kənan İsrafilov öz mərdliyi, qorxmazlığı ilə həmişə seçilib, o düşmən qarşısında əyilmədi öz qəhrəmalığını bizə örnək qoyaraq şəhadətə ucaldı. Şəhidimiz 05.11.2020 -ci ildə Suqovuşan uğrunda döyüşlərdə şəhadətə ucalıb.
Allah bütün şəhidlərimizə rəhmət eləsin! Dərin hörmət və ehtiramla anırıq!
Məktəbin direktoru Zemfira Məsiyeva şagirdlərə əla qiymətlərlə oxumağı, Vətən müharibəsi şəhidi kapitan Kənan İsrafilovun adına layiq olmağı tapşırdı. Sinif rəhbəri Mədinə Hümbətovaya və həmin sinifdə dərs tədris edən müəllimlərə daha məsuliyyətli olmağı tövsiyyə etdi.
Tədbirdə vətənpərvər ruhda olan şagirdlər şeirlər səsləndirdilər.
Tədbirdə şəhid kapitan Kənan İsrafilovun bacısı da iştirak edirdi. O 1ç sinfinə onun qardaşı şəhid kapitan Kənan İsrafilovun adının verilməsinə və belə bir tədbirin keçirilməsinə görə məktəbin direktoru Zemfira Məsiyevaya və məktəb kollektivinə öz minnətdarlığını bildirdi.
