Pedaqoji şuranın növbəti iclası keçirilmişdir
17 noyabr 2016 - cı il Xətai rayonu, Z. Məmmədov adına 171 saylı tam orta məktəbdə pedaqoji şurasının növbəti iclası keçirilmişdir. İclasın gündəliyinə aşağıdakı məsələlər daxil edilmişdi: 1. Azərbaycan Respublikası Təhsil Nazirliyi tərəfindən 2016-2017-ci dərs ilinin “Təhsildə dəyərlər ili” elan olunması ilə əlaqədar qarşıda duran vəzifələrin və prioritetlərin müəyyənləşdirilməsi. 2. Şagirdlərin ilkin bilik səviyyəsinin öyrənilməsi məqsədilə məktəbin II-V siniflərində keçirilmiş diaqnostik qiymətləndirmənin nəticələrinin müzakirəsi. 3. Məktəb nizamnaməsinin təsdiqi barədə. 4. Cari məsələlər.Birinci məsələ barədə məktəbin direkoru Telman Qardaşov məruzə ilə çıxış edərək bildirmişdi ki, təhsil naziri cənab Mikayıl Cabbarov Bakı şəhəri təhsil işçilərinin ənənəvi sentyabr konfransında çıxışı zamanı 2016-2017-ci tədris ilini “Təhsildə dəyərlər ili” kimi elan olunmasını təkilf etmişdi. Sonra o pedaqoji şura üzvlərininə təhsildə dəyərlər anlayışının məzmunu, mahiyyəti və təsnifatı barədə məlumat vermiş, bununla əlaqədar pedaqoji kollektivin qarşısında duran vəzifələri və prioritetləri göstərmişdir. Digər məsələlər barədə təlim-tərbiyə işləri üzrə direktor müavinləri məruzə etmişlər. Gündəlikdəki məsələlər iclasda geniş müzakirə olunmuş və müvafiq qərarlar qəbul edilmişdir.
