Dalğalan üçrəngli bayrağım
07 noyabr 2016 -cı il tarixində Xətai rayonu Z.Məmmədov adına 171 nömrəli tam orta məktəbin Vb sinfində 9 noyabr Dövlət Bayrağı gününə həsr olunmuş “Dalğalan üçrəngli bayrağım” mözusunda açıq dərs keçirilmişdir. Məktəbin tarix müəllimi Həcər Əlişova şagirdlərə məlumat verərək bildirmişdir ki, Ulu öndər Heydər Əliyev tərəfindən 1990-cı il noyabrın 17-də Naxçıvan MR Ali Məclisinin qərarı ilə Muxtar Respublikanın dövlət bayrağı kimi Azərbaycan Xalq Cümhuriyyəti (AXC) Hökumətinin 1918-ci il 9 noyabr tarixli iclasında qəbul olunmuş üçrəngli bayrağı qəbul olunmuşdur. 1991-ci il fevralın 5-də Azərbaycanın üçrəngli və ay-ulduzlu bayrağı dövlət rəmzi olaraq Azərbaycan Ali Sovetinin qərarı ilə müstəqil respublikanın dövlət bayrağı elan edilib. Azərbaycan Prezidenti İlham Əliyevin 2009-cu il noyabrın 18-də imzaladığı sərəncamla 9 noyabr tarixi Dövlət Bayrağı günü kimi qeyd olunur. Sonda şagirdlər üçrəngi bayrağa aid fikirlər söyləmiş, şerlər və mahnılar ifa etmişlər.
