Dövlət Sərhəd Xidməti Akademiyasına ekskursiya təşkil edildi
Azərbaycanımız bir çox əlamətdar günlərlə-bayramlarla zəngindir. Öz keçmişimizdən, gözəl adət və ənənələrimizdən xəbər verən Novruz bayramı isə xalqımızın həyatında özünəməxsus yer tutur. Novruz başdan-başa ruh yüksəkliyi, əmək coşqunluğu, torpağa, insana məhəbbət bayramıdır. Bu bayramda səməni göyərdər, niyyət tutar, şənliklər keçirər və qonaq gedərlər. 18 mart 2022-ci il tarixdə Xətai rayonu, Zaur Məmmədov adına 171 nömrəli tam orta məktəbin bir qrup müəllim və şagird heyəti bu ənənəyə sadiq qalaraq bayram sovqatı ilə Dövlət Sərhəd Xidməti Akademiyasına ekskursiya etdi. Akademiyanın rəhbərliyi çox gözəl qarşıladı, müəllim və şagirdlərimizi Akademiyanın nümayəndələri ilə yaxından tanış etdi, ətrflı məlumatlandırdı. Məlum oldu ki, bina 12 iyun 2007-ci il tarixdə Ali Baş Komandan İlham Əliyevin sərəncamı ilə yaradılmışdır. Akademiyanın yeni binası 10 avqust 2010-cu ildə istifadəyə verilmişdir. Ən maraqlı fakt isə bu oldu ki, binanın peyk görünüşünə diqqət yetirdikdə burada İlham Əliyevin ad və soyadının baş hərflərini tərs şəkildə rahatlıqla görmək olur. Şagird və müəllimlərimiz çox məmnun oldular və xatirə şəkilləri çəkdirdilər. Akademiyanın rəhbər nümayəndələri də öz təşəkkürlərini bildirərək tez-tez belə ekskursiyaların olmasını arzuladılar.
