Futbol yarışında qalib komandalar təltif olundular
Şagirdlərin idmana olan marağının artırılması, sağlam həyat tərzinin təbliği məqsədilə 5 mart - Bədən Tərbiyəsi və İdman Günü ərəfəsində Təhsil Nazirliyi tərəfindən ölkənin bütün ümumi təhsil müəssisələrində 28 fevral – 4 mart tarixlərini əhatə edən “İdman həftəsi” layihəsi həyata keçirilib.
Zaur Məmmədov adına 171 nömrəli tam orta məktəbdə bir sıra idman tədbirləri keçirildi. Futbol yarışında qalib komandalar məktəb direktoru Zemfira Məsiyeva tərəfindən fəxri fərmanla təltif olundular. Bu münasibətlə qalibləri təbrik edir gələcək işlərinə uğurlar arzulayırıq. Mükafatlandırma mərasimində məktəbin direktoru Zemfira Məsiyeva, tərbiyə işləri üzrə direktor müavini Kənan İsmayılov, fiziki tərbiyə müəllimləri Barat Orucov, Sahib Abbasov, Mail Abdullayev, Elnurə Zeynalova iştirak edirdilər.
