Tədbir keçirildi
Beynəlxalq Müəllimlər günü münasibətilə 05.10.2016 – cı il tarixində Xətai rayonu İcra Hakimiyyətinin təşkilatçılığı ilə tədbir keçirildi. Tədbiri giriş sözü ilə Xətai rayonu İcra Hakimiyyəti başçısının müavini Zaməddin müəllim açdı və 2015-2016-cı tədris ilində Xətai rayonunda təhsil sahəsində əldə olunmuş nailiyyətlər, qazanılmış uğurlar barədə, həmçinin Ulu öndər Heydər Əliyevin müəllim adının uca olması barədə fikirlərini səsləndirdi, Cənab Prezident İlham Əliyevin Xətai rayonundakı 4 məktəbin əsaslı təmirindən sonra açılışında iştirakı barədə ətraflı məlumat verdi. Sonra İcra Hakimiyyəti Başçısının müavini Jalə xanım Abdiyeva çıxış etdi və Beynəlxalq Müəllimlər günü münasibətilə bütün müəllimləri təbrik etdi və Xətai Rayonu İcra Hakimiyyətnin başçısı Razim Məmmədovun təbriklərini tədbir iştirakçılarına çatdırdı. Sonda 2015-2016-cı tədris ilində ali məktəbə qəbulda yüksək nəticə göstərən rayonun bir sıra məktəb rəhbərləri, o cümlədən Zaur Məmmədov adına 171 saylı tam orta məktəbin direktoru Telman Qardaşov Rayon təhsil sahəsində səmərəli fəaliyyətinə görə Xətai Rayonu İcra Hakimiyyətinin başçısı Razim Məmmədov tərəfindən fəxri fərmanlarla təltif edildi.
