Beynəlxalq Müəllimlər Günü münasibətilə tədbir keçirilib
05 oktyabr 2016-cıil tarixində Xətai rayonu Z.Məmmədov adına 171 saylı tam orta məktəbdə Beynəlxalq Müəllimlər Günü münasibətilə tədbir keçirilib. Məktəb şagirdləri müəllim əməyinin bütün dövrlərdə ən şərəfli peşə olmasından, bu adı daşıyanlara həmişə böyük hörmət və ehtirama layiq olmasından danışdılar və müəllim barədə şerlər ifa etdilər. Tədbirdə çıxış edən məktəbin direktoru Telman Qardaşov təhsil sahəsində aparılan islahatlardan, Ulu öndər Heydər Əliyevin müəllim əməyi bardə fikirlərdən, Azərbaycan prezidenti cənab İlham Əliyevin son illər ərzində təhsilə göstərdiyi diqqət və qayğıdan və son zamanlar ölkəmizdə müəllim olmaq istəyənlərin sayında artımdan söz açıb. Sonda məktəb rəhbərliyi müəllimləri Beynəlxalq Müəllimlər Günü münasibətilə təbrik edib və 2015 – 2016 – cı tədris ilində təlim-tərbiyə sahəsində fərqlənən bir qrup müəllim fəxri-fərmanla təltif olunub.
