Məktəbəhazırlıq qruplarında məşğələlər başlamışdır
Azərbaycan Respublikası Nazirlər Kabinetinin 2016-cı il 11 iyul tarixli 271 nömrəli “Uşaqların məktəbəhazırlığının təşkili məsələləri haqqında” qərarının və Bakı Şəhəri üzrə Təhsil İdarəsinin 10 avqust tarixli 242-1 nömrəli əmrlərinin tələbinə müvafiq olaraq 15 avqust 2016- cı il tarixindən 30 sentyabr 2016 –cı il tarixinədək Xətai rayonu Z.Məmmədov adına 171saylı tam orta məktəb üzrə yaradılmış işçi qrupu tərəfindən 2011-ci il təvəllüdlü fiziki və əqli cəhətdən normal inkişaf etmiş uşaqlar məktəbəhazırlıq qruplarına qəbul edilmişdir. Məktəbəhazırlıq qruplarına 60 (altmış) nəfər 5 yaşlı uşaq qəbul edilmişdir. Həmin uşaqlar iki qrupda komplektləşdirilmiş və qrupların birində tədris Azərbaycan dilində, digərində isə Rus dilində aparılacaq. Uşaqların təlim-tərbiyəsi ilə Bakı Şəhəri üzrə Təhsil İdarəsinin təşkil etdiyi müvafiq təlmlərindən keçmiş məktəbin təcrübəli ibtidai sinif müəllimləri məşğul olacaq. Məktəbəhazırlıq qruplarında məşğələlərə 03 oktyabr 2016-cı il tarixində start verilmişdir.
