Dördüncü sinifdə demokratik seçki yolu ilə sinif nümayəndəsi seçildi
Zaur Məmmədov adına 171 nömrəli tam orta məktəbdə 4a sinfində gizli səsvermə yolu ilə sinif nümayəndəsi seçildi. Seçkidə məktəbin direktoru Zemfira Məsiyeva, tərbiyə işləri üzrə direktor müavini Kənan İsmayılov və 4a sinfinin sinif rəhbəri Ulduz Nəcəfova iştirak edirdi. Şagirdlər bir kağızda kimi sinif nümayəndəsi görmək istədiklərinin adını yazdılar. Kağızlar toplandı və saymağa başlanıldı. Səs vermənin nəticəsinə görə Zaur 8 səslə birinci, Mətləb isə 5 səslə ikinci oldu. Səsvermənin nəticəsinə əsasən Zaur sinif şagirdlərinin səs çoxluğuna görə sinif nümayəndəsi seçildi, Mətləb isə sinif nümayəndəsinin müavini seçildi.
Məktəbin direktoru Zemfira Məsiyeva seçilmiş şagirdləri təbrik etdi, onlara uğurlar arzuladı, müvafiq tapşırıq və tövsiyyələrini verdi.
