"BİLİK GÜNÜ" QEYD EDİLDİ
15.09.2016-cı il tarixində Zaur Məmmədov adına 171 saylı tam orta məktəbdə 15 sentyabr "BİLİK GÜNÜ" qeyd edildi. Azərbaycan Respublikasının Dövlət Himni səsləndi. Tədbiri giriş sözü ilə məktəbin direktoru Telman Qardaşov açdı. Telman Qardaşov 2015-2016-cı tədris ilinin yekunları, qazanılmış uğurlar barədə tədbir iştirakçılarına məlumat verdi. 2015-2016-cı tədris ilində 9 -cu sinif şagirdlərinin buraxılış imtahanlarında göstərdikləri uğurlara görə Bakı Şəhəri Üzrə Təhsil İdarəsinin müdiri Məhəbbət xanım Vəliyeva tərəfindən Zaur Məmmədov adına 171 saylı tam orta məktəb fəxdri fərmanla təltif olunduğu barədə məlumat verdi. Ali məktəbə qəbulda da qazanılmış uğurlar barədə söz açdı. Builki məzunlardan 5 nəfəri 600 baldan yuxarı nəticə gösətrdiklərini bildirdi. Ümumilikdə qəbul faizinin 85 % olduğunu bildirdi. Bu il ilk dəfə məktəbə qədəm qoyan birincilərə uğurlar arzuladı. Tədbirdə İbtidai siniflər üzrə direktor müavini Sevil xanım Abdurahmanova da çıxış etdi. Tədbirdə birincilər şerlər söylədilər. Müxtəlif bədii kompozisiyalar göstərildi. Tədbirdə Xətai Rayonu İcra Hakimiyyətinin nümayəndəsi, valideynlər və digər qonaqlar iştirak edirdilər. Tədbirin sonunda 2016-2017-ci tədris ilinin ilk zəngi çalındı.
