44 günlük Vətən müharibəsinə həsr edilmiş tədbir keçirdi
2 noyabr 2021-ci il tarixində Zaur Məmmədov adına 171 nömrəli tam məktəbdə 6c sinif rəhbəri Vəfa Nəzərova öz şagirdləri ilə 44 günlük Vətən müharibəsinə həsr edilmiş tədbir keçirdi. İlk öncə şagirdləri zəfər münasibətilə təbrik edən müəllimə bu zəfərin necə əldə olunduğu, canı, qanı bahasına torpaqlarımızı azadlığa qovuşduran şəhidlər, qazilər, müharibə iştirakçıları barədə məlumat verdi. Torpaq uğrunda canlarını fəda edən şəhidlərimiz xatirəsi bir dəqiqəlik sükutla yad edildi. Tədbirdə zəfər sevinci, o sevincin necə əldə olunması ilə bağlı çarxlar təqdim olundu. Şagirdlər qələbəni bizə yaşadan şəhidlər haqqında məlumat verdilər. Onların ifasında şeirlər söyləndi. Sonda şagirdlərlə bərabər “Xudayar təsnifi” səsləndi. Məktəbin direktoru Zemfira Məsiyeva tədbir iştirakçılarına 44 günlük Vətən müharibəsi barədə məlumat verib şagirdlərə öz təşəkkürünü bildirdi.
