"Qətiyyətin zəfər yolu" adlı tədbir keçirildi
4 noyabr 2021-ci il tarixində Zaur Məmmədov adına 171 nömrəli tam orta məktəbdə 8 Noyabr Zəfər Günü münasibətilə “Qətiyyətin Zəfər Yolu” adlı tədbir keçirildi. Tədbirdə Bakı Şəhəri üzrə Təhsil İdarəsinin müdir müavini Hüseyn Əsgərov, Yeni Azərbaycan Partiyasının Xətai rayon təşkilatnın sədr müavini Mail müəllim, Təlimə Dəstək Mərkəzinin əməkdaşı Roza Rüstəmova, məktəb direktorları, Vətən Müharibəsinə iştirak etmiş məktəbin məzunu, şagirdlər və müəllimlər iştirak edirdi. Tədbirə dəvət olunan qonaqlar ilk olaraq məktəbdə yaradılmış “Zəfər güşəsi” ilə tanış oldular. Şagirdlərin və müəllimlərin “Zəfər günü” münasibətilə hazırladıqları xüsusi guşələrlə tanış oldular. Guşələrdə şagirdlərin və müəllimlərin əl işləri, çəkdikləri rəsmlər, divar qəzetləri nümayiş etdirilirdi.
Tədbir ilk olaraq Azərbaycan Respublikasının Dövlət Himni ilə başladı. Şagirdlər Vətən müharibəsi haqqında ətraflı məlumat verdilər. Şagirdlərin Xudayar Yusifzadənin ifasında səslənmiş mahnını Xudayar Yusifzadənin oxuduğu “Vətən yaxşıdır” təsnifini həmin səhnəni canlandırmaqla oxudular.
Tədbirdə çıxış edən Bakı Şəhəri üzrə Təhsil İdarəsnin müdiri Hüseyn Əsgərov tədbiri yüksək qiymətləndirdi, belə tədbirlərin şagirdlərin vətənpərvəlik ruhunda tərbiyəsi üçün xüsusi yer tutduğunu bildirdi.
Yeni Azərbaycan Partiyasının Xətai rayon təşkilatının sədr müavini Mail müəllim tədbirin şagirdlərin vətənə olan məhəbbətini daha da artırdığını bildirdi.
Məktəbin direktoru Zemfira Məsiyeva 8 Noyabr Zəfər Gününü bizlərə bəxş edən Müzəffər Ali Baş Komandan Cənab İlham Heydər oğlu Əliyevə və Rəşadətli Azərbaycan Ordusuna, Vətən uğrunda canlarını qurban vermiş çəhidlərimizə, xəsarət olmuş qazilərimizə borclu olduğumuzu bildirdi. Tədbirin ərsəyə gəlməsində göstərdikləri əməyə görə şagirdlərə və müəllimlərə öz təşəkkürünü bildirdi.
Tədbirə dəvət olunan qonaqlar məktəbdə fəaliyyət göstərən “Narahat ürəklər” təşkilatına fəxri üzvi olaraq qəbul edildilər və onlara “Narahat ürəklər” təşkilatının nişanı təqdim edildi.
Tədbirin sonunda xatirə şəkili çəkdirildi.
