Aşıq Ələsgərin 200 illik yubileyinə həsr olunmuş tədbir keçirildi
29 oktyabr 2021 -ci il tarixində Zaur Məmmədov adına 171 nömrəli tam orta məktəbdə Aşıq Ələsgərin 200 illik yubileyinə həsr olunmuş tədbir keçirildi. Tədbirdə şagirdlər Aşıq Ələsgərin həyat və yaradıcılığı haqqında ətraflı məlumat verdilər. Aşıq Ələsgərin şeirlərindən səhnəciklər nümayiş etdirdilər, şeirlər oxudurlar, rəqs nümunəsi təqdim etdilər. Aşıq Ələsgərin həyat və yaradıcıllığına həsr olunmuş videoçarx nümayiş etdirildi. Tədbirin sonunda məktəbin direktoru Zemfira Məsiyeva tədbiri yüksək qiymətləndirdi, tədbirin təşkilatçı müəllimlərinə - Azərbaycan dili və ədəbiyyat üzrə metodbirləşmə sədri Mahirə Nəsirovaya, Azərbaycan dili və ədəbiyyat müəllimi Vəfa Nəzərovaya, musiqi müəllimi Aygün Səlimliyə və tədbirdə iştirak edən şagirdlərə təşəkkür etdi. Tədbirdə təlim - tərbiyə işləri üzrə direktor müavini Sima Əhmədova. tərbiyə işləri üzrə direktor müavini Kənan İsmayılov, fənn müəllimləri və şagirdlər iştirak edirdi.
