Anım Günü Şəhidlərin xatirəsi bir dəqiqəlik sükutla yad edildi
27 sentyabr Anım Günü ilə əlaqədar olaraq Zaur Məmmədov adına 171 nömrəli tam orta məktəbdə Vətən Müharibəsidə şəhid olmuş oğul və qızlarımızın xatirəsi bir dəqiqəlik sükutla yad edildi.
Tədbirdə Rus dili və ədəbiyyat müəllimi Mehparə Rəhimovanın hazırladığı Vətən Müharibəsinə həsr etdiyi videoçarx nümayiş etdirildi. Videoçarxda Müzəffər Ali Baş Komandan Cənab İlham Əliyevin çıxışlarından, Vətən Müharibəsinin döyüşlərindən çəkilmiş kadrlar nümayiş etdirildi. Videoda həmçinin məktəbin müəllim və valideynlərinin köməkliyi və dəstəyi ilə Vətən Müharibəsi zamanı təşkil edilmiş “Əsgərə sovqat” kompaniyasından və “N” saylı hərbi hissədə təqdim edilən zaman çəkilmiş xüsusi kadrlar nümayiş etdirildi.
Məktəbin Rus dili və Ədəbiyyat müəllimi Arifə Həsənovanın birinci Qarabağ müharibəsi zamanı şəhid olmuş həyat yoldaşının xatirəsinə həsr edilmiş videoçarx təqdim edildi. Arifə Həsənova göstərilmiş diqqət və qayğıya görə minnətdarlığını bildirdi.
Tədbirin sonunda məktəbin direktoru Zemfira Məsiyeva çıxış etdi.
