Müəllimlərimizdən birinə ünvanlanmış təbrik
2020-ci il “Bilik günü” ilə bağlı müəllimlərimizdən birinin ünvanına gələn təbrik diqqətimizi çox çəkdi. Təbrikdə Şuşanın, külli Qarabağın işğalı məyusluqla qeyd edilərək, müəllimlərə tövsiyə olunurdu ki, tariximizi gələcəyimiz olan uşaqlara yaxşı öyrədin. Şükürlər olsun ki, bu gün Ali Baş Komandanımızın müdrik və cəsarətli siyasəti, şəhid və qazilərimizin qəhrəmanlığı nəticəsində göz bəbəyimiz olan Şuşa və Külli Qarabağı işğaldan azad etdik.
Bilik günü həm də Bakının 103 il bundan qabaq yağı düşmənlərdən azad olunduğu günə təsadüf edir. Builki "Bilik günü"nü qalib ölkənin vətəndaşları kimi qeyd edirik. Tarix yazan Şəhidlərimizin ruhları qarşısında baş əyirik, onları rəhmətlə anırıq. Diqqətimizi çəkən təbriki isə saytımızın oxucuları üçün paylaşırıq.
