4-cülər ibtidai sinif müəllimi ilə vidalaşdılar
Zaur Məmmədov adına 171 nömrəli tam orta məktəbin rus bölməsində sinif rəhbəri Natalya Şərifovanın rəhbərlik etdiyi 4d sinfi ibtidai məktəb və ilk müəllimə ilə vida görüşü keçirdilər. Məktəblilər məktəbin həyətində Vətən uğrunda şəhid olmuş Zaur Məmmədovun adına qoyulmuş heykəlin qarşısında baş əydilər və gül dəstələri qoydular, bütün şəhidlərimizi sükutla yad etdilər. Məktəbin direktoru Zemfira xanım Məsiyeva da məktəbliləri təbrik etdi və gələcəkdə onlara bol-bol uğurlar arzuladı. Artıq onlar daha yetkin bir dövrə addım atdılar və bu yolda düzgün, dürüst və əminliklə yeriməyi onlara tövsiyyə edən sinif rəhbəri Natalya Şərifova həmişə Vətənə sədaqətli olmağa və onu müdafiə etməyə hər zaman hazır olmağa çağırdı.
