Sinif rəhbərləri ilə iclas keçirildi
11 iyun 2021-ci il tarixində Zaur Məmmədov adına 171 nömrəli tam orta məktəbdə sinif rəhbərləri ilə iclas keçirildi.
10 iyun 2021-ci il tarixində Bakı Şəhəri üzrə Təhsil İdarəsinin müdiri Mehriban Vəliyevanın rəhbərliyi ilə keçirilmiş iclasda müzakirə olunan məsələlər haqqında məktəbin direktoru Zemfira Məsiyeva ətraflı məlumat verdi.
İclasda "Yay məktəbi"nin təşkili və görüləcək işlər müzakirə olundu. Məktəbin direktoru Zemfira Məsiyeva "Yay məktəbi"nin keçirilməsi üçün təlimatla sinif rəhbərlərini tanış etdi. “Təhsil üçün vaksinasiya” aksiyasında müəllimlərin iştirakı barədə məlumat verdi.
Təlim - tərbiyə işləri üzrə direktor müavini Sima Əhmədova "Yay məktəbi"nin necə təşkili qaydaları haqqında məlumat verdi. Məktəb rəhbərliyi sinif rəhbərlərini maraqlandıran suallara ətraflı cavab verdi. Bir sıra məsələlər müzakirə olundu, qarşılıqlı fikir mübadiləsi edildi. Sonda məktəbin direktoru Zemfira Məsiyeva müvafiq tapşırıq və tövsiyyələri verdi.
