Cənnətdəki ilk doğum gününüz mübarək, şəhidlər bacısı!
Arəstə Baxışova 1989-cu il mayın 4-də Xaçmaz şəhərində anadan olub.Onun atası- baş leytenant Kərim Baxışov Fövqəladə Hallar Nazirliyində Mühafizə İdarəsinin rəisi vəzifəsində çalışıb və Arəstənin 4yaşı olanda vəfat edib.
Arəstə Baxışova 1995-2004-cü illərdə Biləcəri qəsəbəsində yerləşən Şuşa şəhər 3 nömrəli tam orta məktəbdə təhsil alıb.2004-2008-ci illərdə isə Azərbaycan Dövlət Pedaqoji Kollecində ingilis dili üzrə təhsil alıb.
Arəstə Baxışova 2018-2019-cu illərdə Azərbaycan Silahlı Qüvvələrinin Baş Hərbi Hospitalında tibbi statist olaraq çalışıb.Azərbaycan Ordusunun çavuşu olan feldşer Arəstə Baxışova 2020-ci il sentyabrın 27-də işğal edilmiş ərazilərin azad edilməsi zamanı Füzulinin,Zəngilanlı və Qubadlının azadlığı uğrunda gedən döyüşlərdə yaralı hərbçilərə döyüş meydançasında tibbi yardım göstərib.
Arəstə Baxışova oktyabrın 23-də Qubadlı döyüşləri zamanı şəhid olub. Biləcəri qəsəbəsində Şəhidlər Xiyabanında dəfn olunub.
Azərbaycan Prezidenti İlham Əliyevin 15.12. 2020 -ci il tarixli Sərəncamına əsasən Arəstə Baxışova ölümündən sonra «Vətən uğrunda» medalı ilə təltif edilmişdir.
