Pedaqoji şura iclası keçirildi
27 aprel 2021-ci il tarixində Zaur Məmmədov adına 171 nömrəli tam orta məktəbdə onlayn formada Pedaqoji şura iclası keçirildi. İclası giriş sözü ilə açan məktəbin direktoru Zemfira Məsiyeva məktəbə daxil olan rəsmi sənədlərlə bağlı məlumat verdi. “Təhsil üçün vaksinasiya” layihə çərçivəsində müəllimlərin vaksinasiyada könüllü olaraq yüksək səviyyədə iştirak etdiklərini bildirdi. Vaksinasiya haqqında maarifləndirici söhbət apardı.
Təlim – tərbiyə işləri üzrə direktor müavini Sima Əhmədova bu günə kimi görülmüş işlər barədə məlumat verdi. 29 apreldə IX sinif şagirdləri üçün sınaq qiymətləndirmənin keçirilməsi haqqında məlumat verdi. IX və XI sinif şagirdlərinin buraxılış imtahnalarına buraxılması bildirdi.
Tərbiyə işləri üzrə direktor müavini Kənan İsmayılov məktəbdə keçirilmiş tədbirlər, müsabiqələrdə iştirak, şagirdlərin qazandıqları uğurlar barədə məlumat verildi. İclasda müəllimləri maraqlandıran sullara məktəb rəhbərliyi tərəfindən ətraflı cavab verildi. Bir sıra məslələr ətrafında fikir mübadiləsi olundu.
Məktəbin direktoru Zemfira Məsiyeva görüləcək işlər barədə müvafiq tapşırıq və tövsiyələrini verdi.
