Müəllimlərimizin Respublika forumunda iştirakı
Qərbi Kaspi Universitetinin təşkilatçılığı ilə 24 aprel 2021-ci il tarixində Kimya və Biologiya müəllimlərinin Respublika onlayn Forumu keçirilmişdir.
Forumun keçirilməsində məqsəd ali və orta məktəblər arasında inteqrasiya yaratmaq, kimya və biologiya kimi inkişafda olan elmlərin nailiyyətləri haqqında diskussiya şəraitini formalaşdırmaq, elmi ictimaiyyətin fikir və təkliflərinin toplanması, elmin bu istiqaməti üzrə yaradıcı və eksperimental tədqiqat fəaliyyətlərinə marağı formalaşdırmaq və inkişaf etdirməkdir.
Forumda İradə Nuriyeva, Gülşən Səlimova, Natalya Titova, Pərvin Məmmədova, Təranə Alışova məktəbimizi təmsil ediblər. Forumda STEAM fəlsəfəsinin Kimya və Biologiya fənlərində tətbiqi, məktəbdə Kimya və Biologiya dərslərində virtual laboratoriyaların təşkil edilməsi, məktəbdə ekoloji təhsil və tərbiyənin təşkili, orta təhsil müəssisələrində genetika mövzusunun praktik innovativ tədrisi metodları, inklüziv şagirdlərdə təbiət fənlərinin distant təşkili formaları mövzularında çıxışlar dinlənilib. Forumdan sonra məktəbin müəllimləri dinlənilən mövzular ətrafinda müzakirələr aparıblar.
