Xocalı soyqırımının 29-cu ildönümü münasibəti ilə tədbir keçirildi
26.02.2021 tarixində 171 nömrəli tam orta məktəbdə Xocalı Soyqırmına həsr olunmuş tədbir keçirildi. Tədbiri məktəbin müəllimləri Səlimli Aygün və Rəhimova Mehparə təşkil etmişdir. Tədbirdə 5c sinif şagirdləri səhnəciklərdən ibarət olan çıxışlar nümayış etdirdilər. 5c sinif şagirdləri Püstə,Gülarə, Ləman, Səbinə və Aylin «Xocalı» şeiri səsləndirdilər. Növbəti səhnəcikdə isə 5c sinif şagirdləri Tunar, Yusif, Zamir, Ayxan, Əhməd, Bəhram və Rəşxan əsgər geyimində «Qarabağa qayıtdıq» şüarları ilə çıxışlar etdilər. Daha sonra 7c sinif şagirdi Raşxan «Xudayar Təsnifi» ifa etdi. Son səhnəcikdə şagirdlər əsgər salamı verərək — «Biz də gələcəyin əsgərləri olaraq söz veririk ki, azad olunan torpağlarımızı qoruyub, üçrəngli bayraqımızı daim dalğalandıracayıq!» və «Qarabağ bizimdir! Qarabağ Azərbaycandır!» şüarları səsləndirdilər.
Son olaraq şagirdlər birlikdə «Yaşa Azərbaycan!» ifa etdilər.
Sonda məktəbin direktoru Zemfira Məsiyeva bədii kompozisiyanı təşkil etmiş müəllimlərə və vətənpərvər çıxışlarına görə 5c sinif şagirdlərinə təşəkkürünü bildirdi.
