"Zəfər" muzeyinə ekskursiya təşkil edildi
Zaur Məmmədov adına 171 nömrəli tam orta məktəbin 8ç sinif rəhbəri Arifə Həsənova şagirdləri ilə birlikdə məktəbdə yaradılmış Vətən Müharibəsində qazanılmış Zəfər şərəfinə yaradılmış "Zəfər" muzeyinə ekskursiya təşkil etdi. Ekskursiyada Arifə Həsənova orada yaradılmış şəraitlə şagirləri tanış etdi. Müzəffər Ali Baş Komandan Cənab İlham Əliyevin "Zəfər Paradı"nda iştirakını, Vitse - Prezident Mehriban xanımla işğaldan azad olunmuş rayonlara səfərlərini özündə əks etdirən guşə ilə şagirdləri tanış etdi. İşğaldan azad edilmiş ərazilərdə yerləşən tarixi abidələrin maketlərini təqdim etdi və həmin tarixi abidələrə haqqında ətraflı məlumat verdi. "Zəfər" muzeyində Vətən müharibəsində iştirak edən məktəbin məzunlarına həsr edilmiş guşədə məzunlar haqqında məlumat verdi. Şagirdlərini də vətənpərvər olmağa səslədi.
