"Nəriman Nərimanovun 150 illik yubileyi"nə həsr olunmuş dəyirmi masa təşkil edildi
Uşaq Birliyi Təşkilatı Rəhbəri Günay Dəmirova tərəfindən şagirdlərin iştirakı ilə "Nəriman Nərimanovun 150 illik yubileyi"nə həsr olunmuş dəyirmi masa təşkil edildi. Dəyirmi masanı Günay Dəmirova öz nitqi ilə açıq elan etdi. O şagirdlərə Nəriman Nərimanovun həyat və yaradıcılığı ilə bağlı qısa məlumat verdikdən sonra sözü şagirdlərə ötürdü. Şagirdlər dahi şəxsiyyət haqqında fikirlərini geniş formada izah etdilər. Topladıqları məlumatları bir-biriləri ilə paylaşaraq fikir mübadiləsi etdilər. Sonra dəyirmi masa Günay müəllimə tərəfindən şagirdlərə ünvanlanan suallar fonunda davam etdi. Şagirdlər suallara öz münasibətlərini bildirdilər, fikirlərini izah etdilər. Sonra şagirdlər hazırladıqları materialları, təqdimatları, video çarxları nümayiş etdirdilər. Sonda dəyirmi masa Nəriman Nərimanova həsr olunmuş qısa filmə baxılmaqla yekunlaşdı.
