“Yaşıl dağ” aksiyası keçirilib
Zaur Məmmədov adına 171 saylı tam orta məktəbdə mayın 12-də IDEA İctimai Birliyinin təşəbbüsü, Təhsil Nazirliyi və Vətəndaşlara Xidmət və Sosial İnnovasiyalar üzrə Dövlət Agentliyinin təşkilati dəstəyi ilə kağız tullantılarının toplanmasına həsr olunan “Hər kağızı bir yarpağa dəyişək” layihəsi çərçivəsində növbəti “Yaşıl dağ” sosial aksiyası keçirilib. Aksiyada bütün məktəbin müəllim və şagird kollektivi iştirak ediblər. Müəllimlər və şagirdlər kağız tullantılarını məktəbə gətirərək bir yerə yığıblar. Məktəb rəhbərliyi yığılmış kağızları aidiyyatı üzrə təhvil veriblər.
