“Lütfi Zadə adına Məktəblilərarası V Məntiq Olimpiadası”nın təşkili ilə əlaqədar olaraq onlayn formada iclas keçirildi
15 dekabr 2020-ci il tarixində Zaur Məmmədov adına 171 nömrəli tam orta məktəbdə “Lütfi Zadə adına Məktəblilərarası V Məntiq Olimpiadası”nın təşkili ilə əlaqədar olaraq onlayn formada iclas keçirildi. İclasda çıxış edən məktəbin direktoru Zemfira Məsiyeva mövcud təlimatla nəzarətçi müəllimləri tanış etdi, müvafiq tapşırıq və tövsiyyələrini verdi. Müəllimləri maraqlandıran suallara ətraflı cavab verdi. Mövzu ətrafında müzakirələr aparıldı, müvafiq qərarlar qəbul olundu. İclasda təlim-tərbiyə işləri üzrə direktor müavini Sima Əhmədova, tərbiyə işləri üzrə direktor müavini Kənan İsmayılov, müəllimlər Sevinc Əbilova, Oksana Kelexsayeva, Mehparə Rəhimova, Nərmin Səmədova, Pərvin Məmmədova iştirak edirdilər.
