“Əsgərə sovqat” adlı aksiya keçirildi
“Mən fəxr edirəm ki, azərbaycanlıyam”. Bu gün qürurla dediyimiz bu ifadə hər an bizi xoşbəxtliyə ucaldır. Bəli, biz xoşbəxtik, çünki doğma yurdumuz, müstəqil dövlətimiz, uğrunda canımızı sevə-sevə qurban verəcəyimiz müqəddəs torpaqlarımız var. Dünyanın ən güclü orduları sırasında yer tutan Azərbaycan Ordusu var. Ordumuzu yenilməz edən isə hərbiçilərimiz, əsgərlərimizdir. O əsgərlər ki, hər gün bizi xoş qələbə xəbərləri ilə sevindirir, düşmənə olan nifrətini qürurla göstərə bilir.
Azərbaycan əsgərinin ən güclü silahı vətənpərvərliyi, Vətən sevgisidir. Bizlərin də onlara sevgi və diqqəti tükənməzdir. Elə bu məqsədlə də Zaur Məmmədov adına 171 saylı tam orta məktəbin kollektivi “Əsgərə sovqat” adlı aksiya keçirdi. Məktəb kollektivi, valideynlər çox fəallıq göstərdi. 06.11.2020-ci ildə məktəbin bir qrup müəllim heyəti “N” saylı hərbi hissəyə getdi. Onlar həmçinin şagirdlər tərəfindən yazılmış məktubları da əsgərlərimizə çatdırdılar.
Biz inanırıq ki, tezliklə Qarabağımızda qələbəmizi qeyd edəcəyik. Yaşasın Ali Baş Komandan İlham Əliyev və onun rəhbərlik etdiyi Azərbaycan Ordusu! Yaşasın Azərbaycan xalqı! Yaşasın Müstəqil, Qüdrətli Azərbaycan Respublikası!
