Şuşanın işğaldan azad olunması münasibətilə bayraq yürüşü təşkil olundu
Şuşa şəhərinin erməni işğalçılarından azad olunması münasibəti ilə bir qrup müəllim qələbə sevinci qeyd etmək üçün böyük ölçüdə hazırlanmış Azərbaycan Respublikasının üçrəngli Dövlət Bayrağı ilə Zaur Məmmədov adına 171 nömrəli tam orta məktəbdən Xətai rayonunda yerləşən Ümummilli Lider Heydər Əliyevin adını daşıyan parkda yerləşən Ulu Öndər Heydər Əliyevin abidəsinə yürüş təşkil etdilər. Yürüş iştirakçıları yürüş boyü "Qarabağ Azərbaycandır!", "Şəhidlər ölməz, Vətən bölünməz!", "Yaşasın Ali Baş Komadan!", "Yaşasın Azərbaycan Ordusu!", "Yaşasın Azərbaycan Xalqı!" "Qarabağ bizimdir!" şüarları səsləndirdilər. Yürüşün sonunda tədbir iştirakçıları Ümummilli Lider Heydər Əliyevin abidəsi önündüə Azərbaycan Respublikasının Dövlət Himnini oxudular. Bayraqla təşkil edilmiş yürüş sakinlər tərəfindən alqışlarla qarşılandı.
