YAXŞI Kİ, VARSINIZ! ƏZİZ MÜƏLLİMLƏRİMİZ!
Ölkəmizdə, eləcə də, dünyanın bir çox yerlərində baş verən pandemiya ilə bağlı dövlətimizdə aparılan qabaqlayıcı tədbirlər məni də,bir vətəndaş kimi çox sevindirir. Dünyanın bir çox böyük dövlətlərinə baxanda Azərbaycan respublikasının bu virusla bağlı gördüyü tədbirlər çox tərifə layiqdir. Virusun daha çox yayılmaması üçün insanların sıx olduğu yerlər, təhsil müəssələri, iş yerləri və bir çox sahələr öz fəaliyyətini müvəqqəti olaraq dayandırdı. Dövlətimizin rəhbərliyi xalqımızın sağlamlığını düşünərək bu addımları atdı. Mən də bir azərbaycanlı olaraq, xalqımızın bu gününü və sabahını düşünən dövlət başçımız, möhtərəm Prezidentimiz cənab İlham Heydər oğlu Əliyevə öz dərin minnətdarlığımı bildirirəm. Dünya səviyyəli dahi siyasətçi, Azərbaycan xalqının ümummilli lideri, Azərbaycanın qurucusu, gözəl insan HEYDƏR ƏLİYEVİN yolunu davam etdirməkdə cənab İLHAM ƏLİYEVƏ çox böyük uğurlar arzu edirəm. Uca Allah prezidentimizə möhkəm can sağlığı,uzun ömür versin. Bu çətin və məsuliyyətli işində hər zaman kömək olsun. Bütün sahələrdə ən böyük uğurlar Azərbaycanla olsun. Virusun ən çox yayıldığı bu çətin zamanlarda da, əziz müəllimlərimiz bizləri tək qoymadılar. Ölkəmizin gələcəyi olan uşaqlara təhsil verməkdə davam etdilər. Övladlarımızın təhsildən geri qalmamaları və yaradılan bu şərait üçün dövlətimizin rəhbərliyinə və Zaur Məmmədov adına 171 nömrəli tam orta məktəbin direktoru Zemfira xanım Məsiyevaya öz dərin minnətdarlığımı bildirirəm. Uşaqların yaxşı təhsil alması üçün çox böyük ürəklə çalışan bütün gözəl, mehriban və qayğıkeş müəllimlərimizə ürəkdən təşəkkür edirəm.
YAXŞI Kİ, VARSINIZ!
171 nömrəli tam orta məktəbin 6b sinif şagirdləri İbrahimli Nəzrin, Nigarın valideyini İbrahimova Nuranə.
