Şagirdimiz beynəlxalq konfransda diplomla təltif olundu
04 aprel 2020-ci il tarixində Tatarıstan Respublikasının Kazan şəhərində şagirdlərin N.İ.Lobaçevski adına V Ümumrusiya (Beynəlxalq iştirak ilə) elmi konfransı keçirildi.
Müsabiqə iki turda təşkil olunmuşdu 3000 şagird iştirakçı arasında təşkil olunan bu konfransa məktəbimizin 4 d sinif şagirdi Əsmər İbrahimli də iştirakçı qismində qatılmışdı.
Əsmər İbrahimli konfransa «Azərbaycan və rus xalq nağılları arasındakı oxşar və fərqli cəhətlər» mövzusunda yazı işi ilə qatıldı
Şagirdimiz birinci turda uğurla çıxış edərək ikinci tura vəsiqə qazandı. İkinci tur koronavirus pandemiyası səbəbindən elan edilmiş karantin rejiminə görə onlayn təşkil edilmişdi. İkinci turda onlayn müsabiqəyə qatılan şagirdimiz uğur qazanaraq 24 aprel 2020-ci il tarixində 3-cü dərəcəli diplomla təltif edildi. Əsmər İbrahimlinin hazırladığı materiallar Rusiyanın elmi jurnallarda dərc ediləcək
Uğurların davamlı olsun, sevimli Əsmər balamız!
Şagirdimizi qazandığı uğuru münasibətilə, onun qazandığı uğurda əməyi olan, sevincinə valideynləri qədər sevinən, şagirdinin konfransda iştirakı üçün hazırlanan çıxışının hazırlanmasına rəhbərlik edən və buna görə də Fəxri Fərmanla təltif edilən elmi rəhbəri Viktoriya Məmmədovanı da urəkdən təbrik edirik.
