“Bəs sən bunu bilirsən?” adlı vebinar təşkil olundu
12 aprel 2020-ci ildə saat 17:00-da Mars Academy-nin təşkil etdiyi “Bəs sən bunu bilirsən?” adlı vebinar təşkil olundu. Bu vebinarda Xətai rayonu Zaur Məmmədov adına 171 nömrəli tam orta məktəbin 7B sinif şagirdi Cəfərzadə Gəray, 9B sinif şagirdləri Məmmədov Camal və Hümbətli Fikrət də iştirak etdilər. Akademiyanın əməkdaşları İlyas müəllim və Zəhra müəllimə şagirdlərə maraqlı məlumatlar verdilər. Şagirdlər planetlər, kosmonavtika günü, kosmonavtlar, raketlərlə bağlı yeni fikirlər əldə etdilər. Yuri Qaqarin, Valentina Tereşkova, eləcə də azərbaycanlı kosmonavtımız Musa Manarov haqqında geniş məlumat öyrəndilər.
Əməkdaşlar şagirdlərin təqdim etdiyi sualları çox həvəslə cavablandırdılar.
