Azərbaycan dili dərsi xüsusi karantin rejimində iş başında olanlara minnətdarlıqla başladı
Zaur Məmmədov adına 171 nömrəli tam orta məktəbin 5 ç sinfin şagirdləri ilə Azərbaycan dili müəllimi Rəhilə Məmmədova informasiya kommunikasiya texnologiyalarından və müxtəlif proqramlardan istifadə etməklə distant təhsil formasında dərs keçdi. Dərs başlananda xüsusi karantin rejimində iş başında olan və bizim qayğımızı çəkənləri alqişlayaraq onlara minnətdarliqlarını bildirdilər. Sonda perspektiv planlaşdırmaya uyğun mövzu ilə dərsə davam etdilər. Şagirdləri maraqlandıran suallara müəllim ətraflı cavab verdi, müəllim şagirdlərə tapşırıqlar verdi və icrasına nəzarət etdi. Dərs şagirdlər tərəfindən xoş qarşılandı.
