İbtidai siniflərdə distant təhsil formasında dərslər tədris olunur
Azərbaycan Respublikası Nazirlər Kabinetinin yanında operativ qərargahın məlumatına əsasən Azərbaycan Respublikasında koronavirus infeksiyasının (COVİD - 19) yayılmasının qarşısının alınması və sosial təcridin gücləndirilməsi məqsədilə təxirəsalınmaz tədbirlər davam etdirilir. Yoluxma hallarının qarşısının alınması məqsədilə sosial təcrid tədbirləri çərçivəsində 2020-ci ilin martın 3-dən aprelin 18-dək bütün təhsil müəssisələrində tədris, təlim-tərbiyə prosesinin dayandırılmasına və bununla bağlı bütün tədbirlərin təxirə salınmasına dair qərar qəbul olunmuşdur.
Tətil zamanı şagirdlərin asudə vaxtlarını səmərəli keçirilməsi və tədris proqramını mənimsəməsi üçün Zaur Məmmədov adına 171 nömrəli tam orta məktəbin müəllimləri və şagirdləri İnformasiya Kommunikasiya Texnologiyalarından və müxtəlif proqramlardan istifadə etməklə distant təhsil formasında dərslərini davam etdirirlər.
Məktəbin ibtidai sinif müəllimi Rəmziyyə Həbilova 1c sinif şagirdləri ilə hər gün təyin olunmuş vaxtda perspektiv planlaşdırmaya uyğun olaraq dərsləri müxtəlif proqramlardan istifadə etməklə distant təhsil formasında davam etdirir. Sinifdə təhsil alan 26 şagirddən hər gün 23-25 şagird iştirak edir. Müəllim dərsləri izah edir, şagirdlərə tapşırıqlar verir, onların icrasına nəzarət edir, şagirdləri maralqandıran suallara cavab verir.
