20 Yanvar faciəsinin 30-ci ildönümü münasibəti ilə dəyirmi masa təşkil olundu
16 Yanvar 2020-ci il tarixində Zaur Məmmədov adına 171 nömrəli tam orta məktəbdə 20 Yanvar faciəsinin 30-cu il dönümü münasibətilə məktəbin tarix müəllimi Həcər Əlişova və UBTR-i Günay Dəmirova tərəfindən siniflərdə dəyirmi masa təşkil olundu. Dəyirmi masanı giriş sözü ilə açan Həcər Əlişova 20 Yanvar hadisələri haqqında şagirdlərə ətraflı məlumat verdi. Daha sonra dəyirmi masanı Günay Dəmirova davam etdirərək şagirdlərə müxtəlif suallar verdi. Daha sonra şagirdlər bu suallar əsasında öz fikirlərini izah etdilər. Dəyirmi masa diskussiya formasında davam etdi. Şagirdlər "şəhidlik zirvəsi nədir, ora kimlər ucalır, əsl vətənpərvər olmaq üçün nə etmək lazımdır?" və s. bu kimi suallara öz münasibətlərini bildirdilər. Diskussiya çox maraqlı keçdi. Sonda 20 Yanvar şəhidlərinin əziz xatirələri 1 dəqiqəlik sükutla yad edildi.
