"Qara yanvarın aydın səhəri" adlı ədəbi - bədii gecə keçirildi
Zaur Məmmədov adına 171 nömrəli tam orta məktəbdə 20 Yanvar faciəsinin 30 illiyi ilə əlaqədar olaraq “Qara yanvarın aydın səhəri” adlı ədəbi – bədii gecə keçirildi. Gecədə şagirdlər 20 Yanvar faciəsinə həsr olunmuş ədəbi - bədii kompozisiya nümayiş etdirdilər. 20 Yanvar faciəsini özündə əks etdirən videoçarxlar nümayiş etdirildi. Ümummilli lider Heydər Əliyevin Moskvada keçirdiyi mətbuat konfransındakı çıxışı təqdim olundu.
20 Yanvar faciəsi azadlığa, müstəqilliyə gedən yol olduğunu, Azərbaycanın Müstəqillik qazandığını, bu gün də müstəqil olduğunu bildirmək, hər qaranlıq gecənin bir işıqlı səhəri olduğunu bildirmək, qara yanvarın aydın səhəri olduğunu göstərmək üçün tədbirin sonunda mahnı sədaları altında Azərbaycan Respublikasının Dövlət Bayrağı meydana gətirildi.
Tədbirdə məktəbin direktoru Zemfira Məsiyeva, Təlimə Dəstək Mərkəzinin metodisti Rüstəmova Roza Tofiq qızı, şagirdlər, müəllimlər və valideynlər iştirak edirdi.
