Valideyn iclası keçirildi
3 dekabr 2019-cu il tarixində Zaur Məmmədov adına 171 nömrəli tam orta məktəbdə 9 – cu sinif şagirdlərinin valideynləri ilə iclas keçirildi. İclasda Təhsil Nazirliyi tərəfindən 9 - cu siniflərdə keçirilən monitorinqin nəticələri, gündəlik davamiyyət, şagirdlərin dərsə hazırlıqlı olmaları və bir sıra digər məsələlər müzakirə olundu.
Təlim – tərbiyə işləri üzrə direktor müavini Sima Əhmədova monitorinqin nəticələri barədə valideynlərə ətraflı məlumat verdi. Nəticələri zəif olan şagirdlər üçün əlavə məşğələlərin təşkil olunduğunu bildirdi. Sinif rəhbərləri, fənn müəllimləri, fikirlərini bildirdilər. Valideynləri maraqlandıran suallara ətraflı cavablar verildi, qarşlıqlı fikir mübadiləsi olundu, müzakirələr aparıldı.
İclasda sinif rəhbərləri, fənn müəllimləri, valideynlər və şagirdlər iştirak edirdi.
