Bakı şəhəri Yasamal rayonu C.Cabbarlı adına 161 nömrəli tam orta məktəb Mənzil İnşaatı Dövlət Agentliyinin Yasamal yaşayış kompleksinin ərazisində yerləşir. Məktəb 2019-cu ildə Prezident İ.Əliyev və xanımı M.Əliyevanın iştirakı ilə fəaliyyətə başlayıb. Məktəb 1 əsas binadan ibarətdir. Əsas bina 3 mərtəbəlidir. 960 şagird yerlik tam orta məktəbdə 36 sinif otağı var. Onlardan 15-i ibtidai, 21-i isə yuxarı sinif şagirdləri üçündür. Siniflərin hamısı zəruri tədris avadanlığı ilə təchiz olunub. Məktəbdə ibtidai sinif şagirdləri üçün dərslər “Sağlam təhsil – sağlam millət” layihəsi əsasında hazırlanan sinif otaqlarında keçirilir. Binada fənn kabinetləri, sinif otaqları, akt zalı, idman zalı yerləşir.
