Kompyuter elmləri sahəsində Təhsil həftəsi çərçivəsində “Kod saatı”
Kompyuter elmləri sahəsində Təhsil həftəsi çərçivəsində hər il “Kod saatı” Beynəlxalq aksiyası keçirilir. ilbəil bu həftə həmin elmlər sahəsində ilk proqramistlərdən biri olan amerika alimi Qreys Mürrey Hopperə (9 dekabr 1906-cı ildə anadan olmuş) həsr olunur. Aksiya 2017 -ci il dekabr ayının 4-dən 10-a qədər keçirilmişdir.
Gimnaziyamızda dekabr ayının 8-də həmin layihə ADA tələbələri Mehrac Ələkbərov, Fuad Məmmədzadə və bizim məzunumuz Fəridə Bayramova tərəfindən 9 B sinfində keçirilmişdir. Gimnazistlərə proqramlaşdırmanın əsasları barədə məlumatlar verildi, videoçarx və əyani vəsaitlər göstərildi. “Kod saatı” layihəsində iştirak edərək gimnazistlər özləri alqoritmlər üzrə kompyuter oyunları yaradırdılar. “Kod saatı” aksiyasında bütün il ərzində iştirak etmək olar.
