"Biliyini paylaş"
Bakı Şəhəri üzrə Təhsil İdarəsinin (BŞTİ) tabeliyindəki ümumi təhsil müəssisələrinin müəllimləri üçün “Biliyini paylaş” layihəsi çərçivəsində mentor müəllim Günay Rüstəmova XI sinifdə "Tullantı yağlardan sabun hazırlanması" layihəsinin son mərhələsini icra etdi. Dərs zamanı şagirdlər hazırladıqları sabunları təqdim etdilər. Üç komanda müxtəlif rəngli və müxtəlif tərkibli sabunlar hazıramışdılar. Dərsdə layihənin iştirakçı müəllimləri də iştirak etdilər. İlk öncə şagirdlər öz işlərini dəyərləndirdilər. Layihənin iştirakçı müəllimləri hər üç komandanın işlərini izləyib, komandaların hazırladıqları sabunları, onların təqdim etmə və əməkdaşlıq bacarıqlarını qiymətləndirdilər. Sonda komandalar hazırladıqları poster və infoqrafikanı nümayiş etdirib, Nəsimi rayonu bələdiyyəsi üçün hazırladıqları təkliflər planını səsləndirdilər. Layihə şagirdlər üçün çox maraqlı oldu və uğurla icra etdilər.
